उत्सव जगण्याचा

गोडं वरण भात त्यावर तुपाची धार
आजीच्या गोधडीचा उबदार सहवास
चैत्रातील हळदीकुंकू आंबेडाळ खात
आमरस पुरीच्या पंगती लग्न सोहळयात
उत्सव जगण्याचा साजरा करूया आज

पहिला पाऊस आणि मातीचा सुवास
कांदा भाजी खात आनंद लुटूया आज
श्रावणात हिरवळ सगळीकडे बहारदार
येतीलच आता गणपती बाप्पा घरात
उत्सव जगण्याचा साजरा करूया आज

आपट्याची पानं देऊया दसऱ्यात
लाडू चकली खाऊन दिवाळी साजरी करूया दणक्यात
भेटूया भावंडांना करूया धमाल
उत्सव जगण्याचा साजरा करूया आज

संक्रांतीला गुळपोळी होळीला पुरणाची पोळी
खाण्यापिण्याचे वैविध्य ही आपल्या संस्कृतीची देणी
लहान थोरांसोबत राहूया सुखदुःखात एक
सण असो व आजारपण आपलं कुटुंब राहील एकीने
उत्सव जगण्याचा साजरा करूया नेहेमीप्रमाणे