प्रेरणा

प्रेरणा या विषयावर कविता !

प्रेरणा प्रेरणा म्हणजे नक्की काय असतं
आपण जे बघतो त्यातून काही शिकायचं असतं

काळ स्थळ वेळ याला काही महत्त्व नसतं
जे दिसेल त्यातून शिकण्यासाठी मन खुलं असावं लागतं

मीपणा त्यागला तर शिपाईही खूप काही शिकवून जातो
त्याच्या त्या पगारात घर चालवून तो Financial Management शिकवतो

डॉक्टर माणसांचा जीव वाचवतात
नर्स रुग्णांची सेवा करते
एक माणूस बरा होण्यासाठी टीम लागते
कोण मोठा कोण छोटा
टीमवर्क करूनच प्रश्न सुटतात
हीच प्रेरणा आजूबाजूला दिसते
म्हणूनच कधी कोणाला कमी लेखायचे नसते

बाबा आमटे समाजकार्याची प्रेरणा देतात
सुंदर पिचाई उत्तम कंपनी चालवतात
चांगले शिकून , वाईट सोडून द्यायचे असते
प्रेरणा घेण्याचे हेच रहस्य असते

आयुष्य सुंदर आहे, आयुष्याच्या प्रवासात अनेक लोक भेटत असतात
त्यांच्या आयुष्यात ते नक्की काहीतरी चांगलं करत असतात
आयुष्याच्या प्रवासातून खूप काही शिका
अशी प्रेरणा घेत घेत आयुष्याची मजा लुटा

-धनश्री

P.S. ठाणे ते दादर या प्रवासात उत्स्फूर्तपणे सुचलेली कविता . ट्रेन ही खूप काही प्रेरणा देते. त्याबद्दल नंतर कधीतरी.